Va sredo na devet morca i va cetrtak na deset morca va naše škole je bi šjor Božo Glavičić. Joko lepo je bilo cut našo domoćo besedo i to ono vero starinsko. Cuda tega nan je pravi o Sv. Martinu, o Nedešćine, kovaran, provljo nan je šćorice, legendi, provljo je koko se nekadar živelo. Šjor Božo toliko tega zno da bi moga i celi don bit s nami. Deca i maeštri proprio so uživali va štorijah od naše starini i nikad se ne zno forši će jedon don i neki od njih provljat koko se živelo va naše vreme.